أجواء حماسية كلها إثارة عيشناها في بطولة ريد بُل كار دريفت في مصر السبت الماضي 8 مارس، شُفنا فيها أجمد دريفترز في مصر وهما بيتنافسوا على اللقب الوطني، علشان يتأهل فائز واحد منهم ويمثل مصر في بطولة ريد بُل كار بارك دريفت في سلطنة عُمان في شهر ديسمبر الجاي.
البطولة اللي تم إقامتها امبارح في مركز المنارة للمؤتمرات – Sports Expo، شهدت منافسة قوية جدًا بين 35 دريفتر قدروا يورونا مهاراتهم في عروض خيالية ومشوقة، واتأهل منهم 20 دريفتر للجولة التانية، واللي كان فيها تحدي أكبر وعروض مميزة ومنافسات استثنائية على مدار يوم كامل.
منافسات ريد بُل كار بارك دريفت جمعت كل محبي الدريفت في مصر، في أهم حدث رياضي بتنظمه “ريد بُل” وبيستناه عشان السباقات بشكل سنوي، وقدر يفوز بالمركز الأول، الدريفتر المصري ماجد أبو سليم، واللي شارك 8 مرات في ريد بُل كار بارك دريفت، وفاز بالمركز الأول سنة 2016، وفاز بالمركز التالت في 2019، وهيكون ممثل مصر في بطولة ريد بُل كار بارك دريفت في سلطنة عمان، بعد تمكنه من الحصول على المركز الأول.
أما في المركز التاني فكان من نصيب محمد زردق للمرة التانية في تاريخه بعد فوزه بنفس المركز في 2016 بعد مشاركته في البطولة للمرة العاشرة، وفاز بالمركز التالت هيثم سمير واللي قدر يمثل مصر في البطولة قبل كده أكتر من مرة