بعد إعلان وزارة التربية والتعليم اليوم عن إعتماد نتيجة الثانوية العامة لعام 2021 وتبادل جميع المواطنين التهاني لبعضهم البعض بل ومواساه العديد للآخرين الذين لم يحالفهم الحظ للنجاح في الدور الأول، بل وتقديم المواساة لمن لم يحصلوا على المجموع الذي كان يحلم به.
علق الفنان أحمد أمين على نتيجة الثانوية العامة عبر صفحته الرسمية على موقع التواصل الاجتماعي فيسبوك قائلاً: لما بفتكر ثانوية عامة بشكر الواحد في المية اللي مجاش.. لو كان جه معرفش كنت هبقى فين!
وأكمل أمين: فرقت معايا ع جزء من عشرة في المية.. عشان أدخل إعلام الكلية اللي كنت عايزها ساعتها.. فدخلت فنون جميلة.. واشتغلت في الصحافة لحد ما وصلت رئيس تحرير وأنا مش إعلام.. بعدها بقيت ممثل من فنون جميلة بقو فريقي اللي عملنا مع بعض البلاتوه..
وواصل أحمد أمين تعليقة قائلاً: أنا عارف يوم النتيجة بتبقى زعلان أو فرحان علشان فاكر إن دي نتيجة مرحلة.. لكن الحقيقة إنها بداية مجموعة اختيارات كتيير.. كلها ممكن توصل للنجاح عادي جداً.. أصل النجاح مش مرحلة من الدراسة.. ده مشوار كبير وطريق طويل وتغييرات كتير.. ممكن التفوق يبقى نقمه وممكن عدمه يبقى نعمة.. المهم هنكمل إزاي وهنختار إيه..
مبروووك من قلبي لكل الناس اللي طلعت نتيجتهم بغض النظر عن نتيجتهم.. مبروك عليك بداية اختياراتك!