في تصريحات تليفزيونية له، كشف الدكتور طارق شوقي، وزير التربية والتعليم والتعليم الفني، معلقاً على ما يثار تلك الأيام على مواقع السوشيال ميديا عن تغيير مواعيد الامتحانات بعد إكتشاف حالات متحور أوميكرون الجديد.
حيث أوضح طارق شوقي قائلاً: لا تغيير في مواعيد الدراسة .. لا تغيير في مواعيد الامتحانات .. وجداول الامتحانات طلعت بالفعل للصف الرابع الابتدائي والصف الأول والثاني الثانوي .. والامتحانات في مواعيدها إن شاء الله.
وأضاف وزير التربية والتعليم: بمنتهى الوضوح .. مفيش أي حد في وزارة التربية والتعليم أو الصحة أو مجلس الوزراء، وقال كلمة واحدة عن المتحور بأي شكل من أشكاله .. وبالتالي كل ما يُكتب هو مجرد اجتهادات وبلبلة واشاعات.
وناشد المواطنين بعدم الانصياع وراء الإشاعات المغرضة معلقاً : عايزين من هنا لحد ما الكورونا تروح، نبطل نعمل شغل الإشاعات ده .. لما يكون فيه تعطيل دراسة، الدولة هي اللي هتقول .. وبما إن الدولة ما قالتش يبقى مانجتهدش من نفسنا ونقول إشاعات.
وتابع طارق شوقي: يا جماعة اللي يكتب يكتب، منشغلش بالنا بيه .. الجهة المختصة بهذا القرار هي لجنة إدارة الأزمات والأوبئة وهي برئاسة مجلس الوزراء، ورئيس الوزراء وكل مؤسسات الدولة المعنية وعلى رأسهم وزارة الصحة .. ديه اللي بتُسأل عن قرار تأجيل أو تغيير .. واحنا كوزارة بيجيلنا القرار اللي هنفذه.
وأكمل طارق شوقي: أي تعطيل في الحياة مبيكونش في المدارس بس .. بيكون في الجامعات وأماكن الخروج بالإضافة إلى حظر التجوال .. لكن أهم حاجة عندهم تأجيل الدراسة والامتحانات عشان كده مش وراعم غير الشائعات.
وأشار طارق شوقي، وزير التربية والتعليم، إلى كلام الدكتور حسام عبد الغفار، المتحدث باسم وزارة الصحة، حيث إنه منذ بدء الجائحة وهو يُعطي تقرير أسبوعي من فيروس كورونا، والوضع الوبائي مستقر الآن، من حيث أعداد الإصابات والأعداد في المستشفيات، وأن أعراض المتحور الجديد أقل بكثير من المتحورات السابقة.
وعقب وزير التربية والتعليم قائلاً: بالتالي اللي بيحصل في العالم ده على متحور أوميكرون هي دوشة مش أكتر .. ده احنا نتمني لو حد جاله كورونا يجيله أوميكرون وليس دلتا .. لأنه أخف ولا يستدعي اللي بيحصل.