كتب : يسرا السيوفي
أعلن المخرج المصري محمد سامي ، اعتزاله الاخراج التليفزيوني بعد آخر أعماله “أش أش” و “سيد الناس” ، وسفره خارج البلاد لمده عامين .أعلن المخرج المصري محمد سامي ، اعتزاله الاخراج التليفزيوني بعد آخر أعماله “أش أش” و “سيد الناس” ، وسفره خارج البلاد لمده عامين .
فهو يعتبر من المخرجين المصريين الذين أثاروا جدلاً واسعًا بسبب أعمالهم، حيث حققت مسلسلاته نسب مشاهدة عالية، ولكنها واجهت أيضًا انتقادات بسبب بعض المشاهد أو القصص التي تم تناولها.
وكتب المخرج وداعا الدراما التلفزيونية ، عبر صفحته الرسمية على موقع التواصل الاجتماعي فيسبوك ، وداعا الدراما التليفزيونية.
و أردف : السنه دي كانت آخر أعمالي التلفزيونية، واللي فيها بودع المسلسلات، رحلة طويلة حولي ١٥ سنة، قدمت فيهم كل اللي قدرت عليه لإسعاد الجمهور العربي ، وحققت بفضل ربنا نجاحات مع نجوم كتير و مع شركات و قنوات كلها مهمة، و كان دايما الجمهور بيشجعني، سواء بردود الأفعال أو بتصويته ليا في الجوائز، و أي نجاح حققته كان بفضل ربنا و الجمهور ، يمكن المقربين ليا عارفين إني واخد القرار ده من فترة وهو إعتزال الإخراج التلفزيوني و لكن كنت بنتهي من إلتزامات موقعة مع شركات و نجوم و الحمد لله إنتهيت منها وكان أخرها ٢٠٢٥، معنديش حاجة أكتر أقدر أقدمها في التلفزيون، وخايف من تشبع الجمهور من أسلوبي و من الوقوع في فخ التكرار و دائرة المتوقع والملل، والوحيد القادر علي الدوام هو الله وحده ، الحمد لله أخر عملين ليا إش إش و سيد الناس حققوا نجاح أنا سعيد بيه، كل يوم بلدي العظيمة مصر بتطلع صناع جداد موهوبين و مثقفين و يقدروا يقدموا أفضل من اللي قبلهم وهنفضل طول الوقت بنقدم أعمال مصرية يلتف حولها الجمهور العربي، بشكر كل حد ساعدني في الرحلة و بشكر كل زميل منافسته كانت دافع للتميز، بعتذر عن أي مشهد قدمته أثناء الرحلة ولم يلقي إستحسان الجمهور أو إعجابهم في الأخر الفنان دايما بيجرب و الفنون جنون زي ما بيقولوا، أدعولي الفترة الجاية عندي سفر خارج مصر لفترة عامين بتعلم فيهم حاجة جديدة بدرسها، حاجة كان نفسي أتعلمها من زمان و أجلتها كتير لحد مالقيت نفسي بكبر و خايف يفوت العمر قبل ما أعمل حاجة نفسي فيها، مقتنع إن الشخص يقدر في أي وقت يقرر يوقف حاجه بيحبها عشان يعمل حاجة تانية بيحبها برضه و عايز يجربها بس محتاج عيلة تسانده علي إتخاذ قراره، كل التوفيق لكل زمايلي و بحبكم و بشكركم علي سنين المنافسة الجميلة اللي عملت أسمائنا كلنا وأتمني لنفسي التوفيق في الخطوة الجديدة.
محمد سامي هو مخرج وكاتب سيناريو مصري ، وقد بدأ مسيرته الفنية بإخراج الأغاني المصورة، ثم اتجه إلى إخراج الأفلام والمسلسلات التلفزيونية.
و من أبرز أعماله من مسلسلات تلفزيونية:
* “آدم” (2011)
* “حكاية حياة” (2013)
* “كلام على ورق” (2014)
* “الأسطورة” (2016)
* “ولد الغلابة” (2019)
* “البرنس” (2020)
* “نسل الأغراب” (2021)
* “جعفر العمدة” (2023)
* “سيد الناس” (2025)
* “إش إش” (2025)
ومن أفلام سينمائية:
* “عمر وسلمى 3” (2012)
* “تصبح على خير” (2017)
* “أهواك” (2015)
* بالإضافة إلى إخراج العديد من الأغاني المصورة لكبار الفنانين.
